Месси «Барселона» тарихига кирди

«Барселона» ҳужумчиси Лионель Месси Ла Лига 24-тури доирасида 21 февраль куни «Кадис»га қарши баҳсда (1:1) майдонга тушди ва жамоасининг ягона голига муаллиф бўлди.

Бу аргентиналик футболчи учун Испания чемпионатида каталонлар сафидаги 506-ўйин бўлди. Шу тариқа Месси Ла Лигада энг кўп ўйин ўтказиш бўйича «Барселона» собиқ ярим ҳимоячиси Хавининг рекордини янгилади.

«Барселона» сафида Ла Лигада энг кўп ўйин ўтказган футболчилар:

• Лионель Месси — 506 та ўйин;
• Хави — 505;
• Андрес Иньеста — 442;
• Серхио Бускетс — 400;
• Карлес Пуйоль — 392.

Месси 2004 йилдан буён «Барселона» асосий жамоасида тўп суриб келади. Жорий мавсум у Ла Лигада 21 та ўйин ўтказиб, 16 гол ва учта голли узатмага муаллиф бўлди.