Саккиз вазн тоифасида собиқ жаҳон чемпиони Менни Пакьяо Филиппин президентлиги учун сайловда мағлуб бўлди.

Сайлов бюллетенларининг 98 фоизи санаб чиқилгач, энг яхши натижани 31 миллион овоз олган 64 ёшли кичик Фердинанд Маркос кўрсатди.

Унинг энг яқин рақиби, вице-президент Лени Робредо эса ярим баравар кўп овозга эга бўлди. Овоз беришнинг расмий натижалари ой охирида эълон қилинади.

«Мен сиёсатдан воз кечишим мумкин, лекин хизмат қилиш имкониятидан эмас. Юртдошларимга катта раҳмат», — деб ёзди Пакьяо ижтимоий тармоқдаги саҳифасида.

Эслатиб ўтиш мумкин, Пакьяо сўнгги жангида кубалик боксчи Йорденис Угасга ютқазиб қўйган эди. Ўшанда жангчилар WBC унвони учун кураш олиб боришган. Тўқнашув Лас-Вегасдаги Т-Mobile аренасида бўлиб ўтган. Бу Пакьяонинг 2019 йил июлидан бери илк жанги эди.

Кейин у Кейт Турманни очколар бўйича мағлуб этди ва ундан ярим ўрта вазндаги WBA Super камарини тортиб олди. Кейинчалик, Менни 2021 йилнинг сентабрида спорт карьерасини якунлаганини эълон қилди.