Мексикада бир кун ичида 3 амалдор ўлдириб кетилди
20 июлда Мексиканинг Мичоакан штати Буэнависта шаҳри мэри Элисео Дельгадо ўлдириб кетилди. Excelsior нашрининг маълум қилишича, Дельгадо шаҳар маъмурияти биносига кираверишда номаълум кимсалар томонидан отиб кетилган.
Дельгадо Мексикада 20 июль куни ўлдириб кетилган 3-амалдор бўлди. Аввалроқ шу куни Тлакепаке шаҳри (Халиско штати) маслаҳатчиси ва Сан-Мигель-Чималапас посёлкаси (Оахака штати) жамоат мулки комиссари отиб кетилганди.
Охирги йиллар Мексикада АҚШга кокаин транзити устидан назоратни қўлга олиш бўйича наркокартеллар ўртасида зўравонлик авж олган. Мексикада яқинда ўтган сайловолди кампанияси вақтининг ўзида 520 дан кўпроқ сиёсатчи ва давлат хизматчиси ўлдирилган. Яқинда сайланган президент Андрес Мануэль Лопес Обрадор жиноятчиликка қарши кураш йўналишини куч қўллашдан ижтимоийга ўзгартирмоқчилигини маълум қилган. У шу тариқа зўравонликни келтириб чиқарувчи муаммоларни ҳал қилмоқчи.
Manba: kun.uz
