Меҳмонхоналардан бирида идишлар ва телевизорни синдиришга рухсат берилди
Туркиянинг Алания шаҳридаги меҳмонхоналардан бири ташриф буюрувчиларга антиқа хизматни таклиф қилмоқда. Бу ҳақда storus.ru сайти ёзди.
Хабарда таъкидланишича, бу антиқа меҳмонхонада туристлар учун "стрессларни унутиш хонаси" мавжуд бўлиб, бу ерда ўз вақтингизни чоғ ўтказишингиз мумкин.
Бундай хоналарда меҳмонлар идиш-товоқлар, компьютер, телевизор ва бошқа буюмларни чилпарчин қилишлари мумкин.
Бундай хонага киришдан олдин хавфсизлик учун махсус кийим кийиш талаб қилинади, шундай сўнг хонани истаганча бузишингизга рухсат этилади.
Айтишларича, стрессни енгишнинг бундай усулини поляк ёзувчиси Станислав Лем ўйлаб топган экан.
Меҳмонхона эгасининг айтишича, бундай хона хизматидан асосан 18 ёшдан 38 ёшгача бўлган бизнес ва ахборот технологиялари соҳасида ишлайдиган эркаклар фойдаланмоқда.
