Майкл Жексоннинг қора рангли курткаси 298 минг долларга сотилди

Майкл Жексоннинг қора рангли курткаси 298 минг долларга сотилди

Поп юлдузи Майкл Жексоннинг биринчи яккахон концертини берган вақтда кийган қора рангли курткаси 298 минг долларга сотилди. Кимошди савдо АҚШдаги "Julien’s Auctions" аукционида ўтказилди.

"Daily Mail" газетасининг ёзишича, Майкл Жексоннинг дастхати билан биргаликда рок-н-ролл ёдгорликлари коллекциясидаги юздан зиёд буюмни америкалик бизнесмен Милтон Веррет сотувга қўйган.

Майкл Жексоннинг созандаси, америкалик машҳур мусиқачи Принснинг 2016 йилдаги сўнгги концертида чалган гитараси 156 минг долларга баҳоланган. Шунингдек, 1984 йилда “Қирмизи ёмғир” филмида Жексон кийган мотоцикл курткаси 37,5 минг долларга сотилган.

Майкл Жозеф Жексон 1958 йил 29 август куни таваллуд топган. 1979 йили "Off The Wall" албоми орқали қўшиқчи поп мусиқа йўналишида суперюлдузга айланган. Албом эса 10 миллион нусхада сотувга чиққан. Унинг "Thriller" номли албоми қайта чиқиб улгурмасдан, дунё бўйича 50 миллиондан ортиқ нусхада сотиб тугатилган.

Шунингдек, ушбу албом кетма-кет 37 ҳафта хит-парадларда биринчиликни ҳеч кимга бермаган, мазкур натижани ҳозиргача ҳеч ким такрорлай олмаган.

1987 йили "Bad" албоми 25 миллион, 1991 йили "Dangerous" албоми эса 23 миллион нусхада сотилган.

Майкл Жексон 2009 йилда вафот этган.

Turon24


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!