Махсус комиссия қарори: Ўзбекистонда халқаро кўргазма ва ярмаркаларни ўтказишга рухсат берилди
Бунга Республика махсус комиссиясининг қарорига асосан, жорий йилнинг 20 февралидан рухсат берилмоқда.
Халқаро кўргазма ва ярмаркаларни ташкил этишда қўйиладиган талаблар:
🔹 ташкилотчи Республика ҳудудида санитария-эпидемиология хизмати ходимларини шартнома асосида жалб қилади. Тадбирларнинг барча босқичларида эпидемиологик тартибларга риоя этилиши устидан назоратни таъминлаши шарт;
🔹 барча тадбир иштирокчиларидан ҳимоя ниқоби ёки респиратор тақишлари талаб қилинади;
🔹 тадбирга киришда барча иштирокчиларнинг ҳарорати ўлчанади. Юқори ҳарорат ёки юқумли касалликлар белгилари бўлган шахсларга тадбирда қатнашишга рухсат берилмайди;
🔹 экспозициялар орасидаги масофа кенглиги камида 3 метр бўлиши керак;
🔹 тадбир ўтказиш жойларида шамоллатиш тизимлари кираётган ҳавонинг чиқаётганидан устунлигини таъминлаши керак.