Машҳур теннисчини меҳмонхона ичида тўнаб кетишди

Канадалик теннисчи Денис Шаповалов қимматбаҳо Париж меҳмонхонасида уни тўнаб кетишганини Твиттерда маълум қилди.

Шаповалов меҳмонхона хизматини даҳшатли деб атади ва ходимларнинг ҳаракатсизлигидан шикоят қилди. "Рўйхатдан ўтаётган чўгимда сумкамни ўғирлаб кетишди", дея ёзади теннисчи.

Унинг сўзларига кўра, соқчилар ҳатто ўғрини тўхтатишга ҳам ҳаракат қилишмаган. Воқеа тасвирланган видеони олиш учун эса унга ярим кун керак бўлган. Шунга қарамасдан, канадалик ўғирланган нарсаларини қайтара олмади.

Бироқ бу билан унинг омадсизлиги тугамади. Меҳмонхона унга ўзи банд қилган хонани эмас, балки бошқасини берди.

"Умид қиламанки, ҳеч ким бу каби ҳолатга тушмайди, лекин энди бу меҳмонхонага бошқа қайтиб келмайман", дейди Шаповалов.