Машҳур шоу иштирокчиси одам ўлдирганини тан олди

Американинг машҳур "90 кунлик куёв" реалити-шоусининг иштирокчиси Дуглас Вутен бир одамни ўлдирганини тан олди.

“New York Post” хабарига кўра, қотиллик Жоржияда содир бўлган. Хейзелхерст шаҳри ҳуқуқни муҳофаза қилиш органлари ходимлари чақириққа етиб келишган ва уйда отиб ўлдирилган Маркос Рамиресни топишган.

Воқеадан уч кун ўтгач, Вутен ўз айбига иқрор бўлган.

Таъкидланишича, у бундан ташқари, қуролли талон-тарож, болаларга шафқатсизларча муносабатда бўлиш ҳамда хусусий мулкка тажовуз қилишда айбланмоқда.

Жиноят тафсилотлари ошкор қилинмаган.

Вутен “90 кунлик куёв” шоусида “Дижей Дуг” тахалласи билан 2019 йил август ойида иштирок этган.