"Манчестер Юнайтед" ва "Манчестер Сити" клубларининг собиқ ҳужумчиси бош мураббийга айланди

“Манчестер Сити” ва “Манчестер Юнайтед” клубларининг собиқ ҳужумчиси Карлос Тевес “Росарио Централ” клубининг янги бош мураббийига айланди, деб хабар беради Аргентина клуби расмий сайти. Мутахассиснинг шартномаси бир йилга тузилган.

Эслатиб ўтамиз, Тевес футболчилик фаолиятини ўтган йили якунлаганди. Аргентина терма жамоаси собиқ ҳужумчисининг сўнгги клуби "Бока Хуниорс" эди.

14 турдан сўнг "Росарио Централ" клуби Аргентина чемпионати турнир жадвалида 14 очко билан 24-ўринда бормоқда.

Футболчилик фаолияти давомида Тевес уч марта Англия чемпионлигини, икки марта Италия чемпионлигини қўлга киритган, шунингдек, 2008 йилда "Манчестер Юнайтед" билан Чемпионлар лигасида ғолиб чиққан.