Манба: Роналду «Барселона»га қарши ўйнамайди
«Ювентус» ҳужумчиси Криштиану Роналду EЧЛнинг 2-туридан ўрин олган «Барселона» билан ўйинни коронавирус сабабли ўтказиб юборади, деб хабар беради Sky Sport Italia.
Манбага кўра, Роналду яна бир коронавирус тестидан ўтган ва натижа ижобий чиққан. Шундай қилиб, футболчи ўзини изоляция қилишда давом этади.
Эслатиб ўтамиз, 13 октябрь куни португалиялик ҳужумчининг коронавирусга чалингани маълум бўлганди.
«Ювентус» – «Барселона» баҳси бугун, 28 октябрь куни бўлиб ўтади. Ўйин Тошкент вақти билан 01:00да бошланади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
