Малайзия фуқаролари учун ҳаж квотаси оширилди

Саудия Арабистони ҳукумати Малайзия фуқаролари учун муборак ҳаж сафарига бориш квотасини 31 600 кишига оширди.

Саудия Арабистони қироллиги ва Малайзия ҳукуматлари ўртасида ўтказилган музокаралар натижасида ҳаж сафарига борадиганлар рўйхатига яна 1400 киши қўшилди.

Хабарингиз бор, Ислом ҳамкорлиги ташкилотининг қарорига биноан ҳар бир давлат ўз аҳолисининг 0,01 фоизи миқдарида ҳаж квотасига эга бўлади.

Саудиянинг Ҳаж ишлари вазирлиги томонидан тақдим этилган статиска асосида REGNUM томонидан берилган маълумотга қараганда, 2019 йилда умумий ҳисобда 7,5 миллион киши ҳаж сафарини адо этган.