Мактаблар рейтинги қандай мезонлар асосида тузилади?

Айни дақиқаларда АОКАда мактаблар ва академик лицейлар рейтингини аниқлашдаги янгиликларга бағишланган матбуот анжумани ўтказилмоқда.

Унда Таълим сифатини назорат қилиш давлат инспекцияси бошлиғи Улуғбек Ташкетбаев юртдошларимиздан келган саволларга жавоб берди:

«Таълим инспекцияси томонидан сўнгги 2 йилда мактаблар рейтинги эълон қилиниб келинаётган эди.

📌 Биринчи марта Халқ таълими вазирлиги ва ҳудудий халқ таълим бошқарув органлари томонидан тавсия қилинган мактаблар рейтингга жалб қилинган бўлса, ўтган йили тасодифийлик тамойили асосида 10 фоиз мактаблар танлаб олинган эди.

❗️Энди барча мактаблар рейтингга жалб қилинади. Баҳолаш мезонларига ҳам бир қатор ўзгартириш ва қўшимчалар киритилди.

👉Биринчи кўрсаткич – мактаб битирувчиларининг умумтаълим фанлари бўйича тайёргарлиги ва таълим сифати даражаси;

👉Иккинчи кўрсаткич ўқувчиларнинг чет тилларини билиш даражаси;

👉 Учинчиси 11-синф битирувчиларининг бандлик кўрсаткичи;

👉Тўртинчи кўрсаткич таълим муассасалари ўқувчилари ўртасида содир этилган жиноятлар улуши;

👉 Бешинчи кўрсаткич эса мактаб педагогларининг сифати (ўқитувчилардан неча фоизи олий ва биринчи тоифали ўқитувчилар ташкил этиши)

👉Олтинчи кўрсаткич – ўқитувчиларнинг чет тилларини билиш даражаси;

👉Еттинчи кўрсаткич — таълим муассасалари моддий-техника базасини мустаҳкамлаш ва ўқув-тарбиявий муҳитни қўллаб-қувватлаш учун туман (шаҳар) маҳаллий бюджетининг орттирилган маблағлари ҳисобидан қилинган қўшимча харажатлари ҳажмига қараб баҳоланади.

👉Саккизинчи — таълим муассасасида маънавий-маърифий ва ўқув тарбиявий муҳит инобатга олинади. Яъни Президент илгари сурган беш ташаббус доирасида қилинган ишлар асосида баҳо берилади.