Мактаб ўқувчилари ўртасида жанжал: бир киши касалхонада

2019 йил 23 май куни Қорақалпоғистон Республикасининг Хўжайли туманида яшовчи, 41-сонли ўрта мактабнинг 10-синф ўқувчиси Д.А., Т.Ибрагимов кўчасида  ўзаро жанжал туфайли шу кўчада яшовчи, 2-сонли ўрта мактабнинг 8-синф ўқувчиси Ф.Ж.нинг юзига қўли билан урган вақтида у боши билан ерга йиқилиб, жароҳат олган.

Ўзбекистон Республикаси ИИВ Жамоатчилик ва ОАВ билан алоқалар бошқармасига кўра, Ф.Ж. касалхонага ётқизилиб, Д.А. қўлга олинган. Ҳолат юзасидан жинояти иши қўзғатилиб, тергов ҳаракатлари олиб борилмоқда.