Макрон: "Путиннинг руҳий ҳолати пандемияда яккаланиб қолганлиги сабабли ёмонлашган"

Франциянинг Le Point ҳафталик нашри Макрон билан интервью эълон қилди. Унда Украинадаги можаро сабаблари ва Макроннинг ўзи нима учун Путинга қўнғироқ қилишда давом этаётгани тушунтирилган.

Франция президентининг фикрича, Путиннинг қарори “паранойяга айланиб кетган кучли ғазаб” билан боғлиқ. Путиннинг руҳий ҳолати пандемияда яккаланиб қолганлиги сабабли ёмонлашган.

“У аллақачон ёлғизлик ёқасида эди. Сочига кетди, у ерда бир неча ойга яккаланди, одамлар билан камроқ алоқада бўлди”.

Макрон “қисқа муддатда Путин музокаралар столига ўтириши мумкинлигига унчалик ишонмаслигини” таъкидлаган.

Шунингдек, у РФ президентига доимий қўнғироқларини шундай тушунтирган: “Агар у бошқа ҳеч ким билан гаплашмаса, биз бу ҳаракатлар қаергача боришини билмаймиз”.

Франциялик сиёсатчи Путинга “Украинада ўзи учун ҳарбий ғалаба зарурлигини” айтди. “Путин Францияни ҳурмат қилади ва уни Ғарб давлатларидан бири сифатида эмас, балки мустақил давлат сифатида қабул қилади”, деди у.