Макрон Исломга қарши курашни "катта хато" деб атади

Макрон Исломга қарши курашни "катта хато" деб атади

Франция Президенти Исломни дин сифатида қўллаб-қувватлади. “Франция республикасининг душмани исломий сепаратизмдир ва дин сифатида Исломга қарши режани ишлаб чиқиш катта хато бўлади.” Франция президенти Эммануэл Макрон сепаратизм ва радикализация билан курашга бағишланган нутқида шундай фикрни билдирди.

Исломий сепаратизм, унинг сўзлари билан айтганда, "эркинлик ва тенгликка, республиканинг бўлинмаслигига ва миллатнинг зарур бирлигига мос келмайди", аммо "бирон бир динга эътиқод қилиш" ҳақида гап бўлиши мумкин эмас. Шунга қарамай, Франция президенти "республикада дин қонунлари республика қонунларидан юқори бўлиши мумкинлигини ҳеч қачон қабул қилиб бўлмайди" деб таъкидлади. 

Хусусан, "кимдир аёл бўлгани учун у билан қўл бериб кўришишни рад этишини" қабул қилиш мумкин эмас" ва "республикада никоҳ учун бокиралик гувоҳномаси талаб қилинмайди". Унинг сўзларига кўра, бу йўналишдаги энг муҳим вазифалардан бири бу диний соҳадаги чет эл таъсирига қарши курашишдир. Шундай қилиб, Франция "иккинчи даражали имомларни" қабул қилишни тўхтатиб, уларнинг республикада машғулотларини ташкил қилиши керак.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!