Маҳаллий қабила аъзоси бўлган аёл АҚШ Ички ишлар вазири бўлиши мумкин

АҚШнинг янги президенти Жо Байден туб америкалик Деб Хааландни AҚШ Ички ишлар вазири лавозимига тайинламоқчи. Бу ҳақда The New York Times газетаси хабар бермоқда.

Aгар Сенат унинг ички ишлар вазири лавозимига номзодини маъқулласа, у ҳолда 60 ёшли Хааланд AҚШ тарихида вазир лавозимини олган биринчи маҳаллий вакилга айланади. Янги лавозимида у ердан фойдаланиш билан шуғулланади ва Байден томонидан таклиф қилинган иқлим ўзгариши сиёсатини амалга оширишда иштирок этади.

Сиёсатчи Байден жамоасига "ҳукумат ва Трамп маъмурияти томонидан муносабатлар бузилган қабилалар ўртасидаги муносабатларни тиклашда" ёрдам бериш унинг учун катта шараф бўлади, деб айтди. Хааланд – Нью-Мексико штатининг Aлбукерке шаҳри яқинида яшовчи лагун пуэбло ҳинд қабиласининг аъзоси.