ЛХРда Украина қўшинларининг нишонга олишда ёрдам берувчиси қўлга олинди
Украина қўшинларининг Луганск халқ республикасидаги нишонга олишда ёрдам берувчиси қўлга олинди, у 20 йиллик қамоқ жазосига ҳукм қилиниши мумкин. Бу ҳақда РИA Новости агентлигига куч тузилмаларидаги манба маълум қилди.
“ЛХР хавфсизлик кучлари Новоайдар туманида туғилган, аввал Счастьинской маъмурияти ходими бўлган Aнастасия Боевани маълумотларни узатгани ва Новоайдардаги фуқаролик объектларига ўт очгани учун ҳибсга олди”, дейилади хабарда.
Манбага кўра, Боева Aлексей Байов билан тандемда ишлаган. Украина қўшинлари 21 сентябрь куни Новоайдарга HIMARS тизимларидан ўқ узган. Отишма натижасида бир фуқаро ҳалок бўлган, яна бири яраланган. Новоайдар аграр коллежининг турар-жой биноси, ўқув биноси ва ётоқхонаси вайрон бўлган. Дон омбори, ўғитлар ва қишлоқ хўжалиги техникаси омбори, саккизта қишлоқ хўжалиги техникаси, иккита енгил ва битта юк машинаси ўққа тутилиб, вайрон бўлган. Тўртта уй зарар кўрган.
Боева ва Байов биргаликда Киев ҳарбийлари ва махсус хизматларига маълумотларни узатган, артиллерия ишининг натижасини видеога ёзиб олган. Бундан ташқари, Боева Украина махсус хизматларига хабар бериш учун собиқ ҳамкасбига аҳоли пункти маъмурияти ходимлари ҳақида маълумот берган.
“Хорижий махсус хизматлар билан ҳамкорлик қилиш ва Украина артиллериясидан фуқаролик объектларини нишонга олганлик учун ЛХР Жиноят кодексига мувофиқ Боева 20 йилгача озодликдан маҳрум қилиш билан жазоланиши мумкин”, дея қўшимча қилади манба.
