Лукашенконинг саломатлиги ёмонлашгани ростми?

Лукашенконинг саломатлиги ёмонлашгани ростми?

Беларусь президентининг матбуот котиби Наталья Эйсмонт мамлакат раҳбари Александр Лукашенконинг саломатлиги ёмонлашгани тўғрисидаги хабарни рад этди. Бу ҳақда NEWS.ru портали хабар бермоқда.

«Александр Григорьевичнинг саломатлиги жойида эканлигини билиш учун унинг матбуот котибига қўнғироқ қилиш шарт эмас. Кеча у Россия, Украинадан келган меҳмонлар ва томошабинлар тўла залда «Славянский базар»нинг очилишини томоша қилди, сўнгра Минскка жўнаб кетди», — деди у.

Эйсмонтнинг таъкидлашича, бундай хабарларга эътибор беришнинг ҳожати йўқ.

Аввалроқ ижтимоий тармоқларда Витебскдаги «Славянский базар» фестивалида Лукашенконинг тоби қочгани ва у зудлик билан Минскка жўнаб кетгани тўғрисида хабарлар тарқалганди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!