Лукашенкога қилинган суиқасд тафсилотлари маълум қилинди

Лукашенкога қилинган суиқасд тафсилотлари маълум қилинди

17 апрель куни Беларуснинг ОНТ телеканалининг кечки пайтдаги янгиликлар кўрсатувида, Беларус президенти Александр Лукашенкога суиқасд ва мамлакатда қуролли қўзғолонни тайёрлашга уриниш ҳақида ҳикоя қилувчи махсус кўрсатув намойиш этилди.

Давлат хавфсизлиги қўмитаси раиси Иван Тертель телеканал эфирида, яқинда қўмита кўп босқичли махсус операцияни якунлаганини маълум қилган. Натижада Беларусда қуролли қўзғолон уринишлари ва ҳокимият вакиллари, шу жумладан давлат раҳбарини йўқ қилиш ҳаракатлари бартараф этилган. Ушбу тадбирлар жорий йилнинг июнь-июль ойларига режалаштирилган эди.

«Ушбу гуруҳ аъзолари Беларус президенти, унинг оила аъзоларини жисмонан йўқ қилиш, ҳокимиятни зўрлик билан қўлга киритиш мақсадида қуролли исён уюштириш режасини батафсил режалаштириб, амалга оширишга киришган эдилар», — деди Иван Тертель.

Қайд этилишича, гуруҳ таркибига Беларус ва чет эл фуқаролари кирган. Сюжетда келтирилган маълумотларга кўра, фитначиларнинг қуролли исёни «Жимжитлик» деб аталган.

Эфирда гумонланувчиларнинг видео учрашувлари намойиш этилди, унда яқинлашиб келаётган жиноят тафсилотлари муҳокама қилинган.

Юрий Зенкович, «тўнтаришнинг асосий ташкилотчиси» деб тан олинди. Телеканал маълумотларига кўра, Зенович узоқ вақт АҚШда яшаган. Унинг сўзларига кўра, муваффақиятсизликка учраган тақдирда, АҚШ Давлат департаменти унинг ёнини олишга тайёр.

Шунингдек, учрашув иштирокчилари орасида БНФ оппозиция партияси етакчиси Григорий Костусев, чет элда бўлган мухолифат лидери Игор Макарь  ва бошқа шахслар бор бўлган.

«Биз гуруҳни ҳибсга олдик, барчаси қандай режалаштирилганлигини кўрсатиб беришди. Кейин биз хорижий махсус хизматлар ишини аниқладик. Эҳтимол, Марказий разведка бошқармаси, Федерал тергов бюроси, америкаликларнинг қайси бири у ерда ишлаганлигини билмайман … Биз уларнинг Минскга келиб, президент ва болаларга суиқасд уюштиришни бошлаш истагини аниқладик», — деди давлат раҳбари.

Бироқ, АҚШ Давлат департаменти вакили «Лукашенконинг ўлдирилишига уриниш ортида АҚШ ҳукумати тургани ёки унда қатнашгани ҳақидаги ҳар қандай тахминлар мутлақо ҳақиқатга зид», дея қайд этди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!