Лукашенко ваъдасида турадими ?
Лукашенко янги конституцияни ваъда қилди. У ваколатларини бўлишишга тайёр, аммо ҳамма нарсани назорат қилишни хоҳламоқда.
Александр Лукашенко 2021 йилда мамлакатнинг янги Конституцияси лойиҳасини муҳокама қилишга ва 2022 йил бошида уни умумхалқ овозига қўйишга тайёрлигини маълум қилди.
11 феврал куни Минскда Бутунбеларус йиғини - ҳокимият ва жамоатчиликнинг 2700 нафар вакили иштирокидаги икки кунлик съезд иш бошлади. Биринчи куннинг асосий натижаси - Александр Лукашенко 2021 йил бошида Беларусда ваколатларни ҳукумат ва парламент фойдасига қайта тақсимлаш билан боғлиқ мамлакатнинг янги конституцияси лойиҳасига овоз бериш ўтказилишини ваъда қилди.
У бу гапни уч соат-у қирқ дақиқа давом этган нутқининг охирида айтди. Бироқ ушбу нутқдан келиб чиқадики, Лукашенко аввалгидек ҳамма нарсани: ташқи сиёсатдан тортиб то Минскдаги чанғи йўлининг ҳолатига қадар назорат қилишни хоҳлайди, деб ёзади BBC.