Лукашенко: "Россия бизни йўқотишдан қўрқади!"

Белорусия Президенти Александр Лукашенко 4-август куни халққа ва Миллий Мажлисга қилган мурожаатида Россия Белорусия билан қардош муносабатларни шериклик алоқаларига ўзгартирмаслиги керак деган фикрни билдирди.

Шу билан бирга, Лукашенко ҳар икки мамлакатда ким раҳбар бўлишидан қатъий назар "Россия Белорусиянинг энг яқин иттифоқчиси бўлиб келган ва бундан кейин ҳам шундай бўлиб қолади", - деб таъкидлаган ҳолда  "бу енгиб бўлмайдиган омил" эканлигини маълум қилди.

Қайд этилишича, бу Минскнинг Хитой ва АҚШ билан стратегик шериклик муносабатларини ўрнатишига тўсқинлик қилмайди.

"Россия бизни йўқотишдан қўрқади, чунки унинг биздан бошқа яқин иттифоқчилари қолмади", дейди Лукашенко "Бизнинг жавобимиз маълум: биз кўп векторли ёндошамиз, Белорусия кимгадир қарши кимдир билан дўст бўлмайди”, дея қўшимча қилар экан.