Лукашенко: "Ҳозир Беларусдан кетган шифокорлар мамлакатга қайтиб киритилмайди"

Беларусь Президенти Aлександр Лукашенко Польшанинг коронавирусга қарши қарши курашиш учун сўраган ёрдамига ижобий жавоб бермоқчи бўлган шифокорларга мурожаат қилди. Тиббиёт ходимларига чет элга кетишни тақиқлар экан, Лукашенко Беларусдан чиқиб кетган шифокорлар мамлакатга бошқа қайта олмасликларини таъкидлади.

"Бизнинг шифокорларимиздан Польшага бориб, COVID-19га қарши курашда аҳолига ва давлатга ёрдам беришларини сўрашади. Мен сизни огоҳлантирмоқчиман: бизда ортиқча шифокорлар йўқ. Биз ўзимиз халқимизни даволашимиз керак. Биз ҳеч кимни ушлаб турмаймиз. Aммо шуни билингки, бугун мамлакатдан кетсангиз, қайтиб келмайсиз, ўша ерда ишлайсиз ва орзу қилган пулларингизни топаверасиз", – деди Лукашенко.

Лукашенко бир неча кун олдин Польша коронавирусга қарши курашни йўлга қўйиш учун хориждан, шу жумладан Беларусдан шифокорларни таклиф қилиш нияти борлигини таъкидлаганди.

Давлат раҳбари бу таҳдид эмас, балки ҳукуматнинг топшириғи эканлигига эътибор қаратди.