“Локомотив” ўз уйида “Сурхон”ни ер тишлатди
Суперлиганинг 11-тури доирасида Тошкентда “Локомотив” - “Сурхон”, Қўқонда эса “Қўқон-1912” ҳамда “Динамо” жамоалари ўзаро беллашишди.
“Темирйўлчилар” ўз уйларида “Сурхон” футболчиларини йирик – 5:1 ҳисобида мағлуб этди.
Пойтахтликлар устунлиги остида ўтган баҳснинг 15-дақиқасида Ислом Тўхтахўжаев бурчакдан узатилган тўпни дарвозага йўллади - 1:0. Кетма-кет ҳужумлардан сўнг, “Сурхон” футболчилари 27-дақиқада Йован Жокичнинг 30 метрлар чамаси узоқликдан киритган голи эвазига биринчи бўлимни 2:0 кўринишидаги мағлубият билан якунлашди.
Иккинчи бўлим ҳар икки жамоанинг олдинга ташланишлари билан ўтаётган бир паллада “Локо”нинг туркманистонлик легионери Арсланмурот Аманов ҳисобни 3:0 кўринишига келтириб қўйди. Орадан беш дақиқа ўтмай Амановнинг голига ассистентлик қилган Темурхўжа Абдухолиқов ҳисобни йирик – 4:0 етказди.
Бироз хотиржамликка йўл қўйган “Локо” футболчилари 79-дақиқада ўз дарвозаларидан битта тўп олиб чиқишга мажбур бўлишди. Гол муаллифи Аббосбек Махсталиев.
Учрашув якунланишига саноқли дақиқалар қолганда Азизбек Омонов ўз акаси қўриқлаётган дарвозани ишғол қилди – 5:1.
Голлар: Ислом Тўхтахўжаев 16, - 1:0. Йован Жокич 27, - 2:0. Арсланмират Аманов 67, - 3:0. Темурхўжа Абдухолиқов 73, - 4:0. Аббосбек Махсталиев 79, - 4:1. Азизбек Омонов 88, - 5:1.
“Локомотив”: Жавоҳир Илёсов, Даврон Ҳошимов, Ислом Тўхтахўжаев, Анзур Исмоилов, Олег Зотеев, Йован Жокич, Игорь Йелич, Азизбек Ҳайдаров (Азизбек Амонов, 46), Жамшид Искандеров, Арсланмират Аманов (Диёр Туропов, 72), Темурхўжа Абдухолиқов (Жавоҳир Алижонов, 80).
“Сурхон”: Асилбек Амонов, Абдуқаҳҳор Хожиакбаров, Аюбхон Нўъмонов, Раҳматулло Бердимуродов, Шерзод Каримов (Аббосбек Махсталиев, 66), Шавкат Саломов, Абдул Азиз Юсупов (Азамат Алланиязов, 69), Аброр Исмоилов, Владимир Бубанья, Аъзам Алиев, Дарко Станоевич.
Турнинг иккинчи баҳси Қўқондаги “Марказий” ўйингоҳида бўлиб ўтди.
Унда “Қўқон-1912” ҳамда Самарқанднинг “Динамо” клублари ўзаро беллашди. Тенг ва муросасиз кечган учрашувда жамоалар дурангга имзо чекишди.
Голларга эса Бобур Қосимов (автогол), Жасур Азимов (дубль) ҳамда Миркомил Лоқаев (автогол) муаллифлик қилишди.
“Қўқон-1912” – “Динамо” - 2:2
Голлар: Бобур Қосимов 21 автогол, - 1:0. Жасур Азимов 23 пенальти, - 1:1. Жасур Азимов 28 пенальти, - 1:2. Миркомил Лоқаев 46 автогол, - 2:2.
“Қўқон-1912”: 25.Сарвар Каримов, 8.Муҳаммаданас Ҳасанов (22. Шахбоз Эркинов, 61), 10.Қувондиқ Рўзиев (17. Бехруз Садиллоев, 71), 14.Аваз Маматхўжаев, 15.Ойбек Рустамов, 19.Суҳроб Бердиев, 20.Иқболжон Маликжонов, 21.Темур Усмонов (13. Жавоҳир Эсонқулов, 46), 23.Александр Мерзляков, 65.Марко Милич, 70.Мурод Холмуҳаммедов
“Динамо”: 1.Ботирали Эргашев, 2.Миркомил Лоқаев, 4.Хакимхон Аъламхонов, 7.Жасур Азимов, 11.Қадамбой Нурметов (10. Амир Сафаров, 46), 16.Бобур Қосимов, 21.Дамир Темиров (20. Сирож Ҳамроев, 70), 23.Сардорбек Эминов (9. Низом Норов, 90), 24.Жасурбек Ўринов, 27.Ихтиёр Тошпўлатов, 34.Шохруҳбек Абдураҳмонов.
Огоҳлантиришлар: Ҳакимхон Аъламхонов 32, Ойбек Рустамов 40, Шоҳруҳ Абдураҳмонов 58, Марко Милич 58.
Manba: uza. uz
