Лиз Трасс истеъфога чиққанидан кейин Борис Жонсон Буюк Британияга қайтади

Буюк Британиянинг собиқ бош вазири Борис Жонсон 22 октябрь куни ўз вориси Лиз Трасс истеъфога чиқиши фонида Кариб денгизидаги таътилдан мамлакатга қайтади, деди Британия парламенти депутати Жеймс Даддриж PA нашрига берган изоҳида.

“Мен бошлиқ билан WhatsApp орқали боғландим. У қайтиб кетмоқчи. У шундай деди: “Мен қайтиб келаман, Дуддерс. Биз буни уддалаймиз. Мен бунга тайёрман”, - дея унинг сўзларидан иқтибос келтиради РИА Новости.

20 октябрь куни Буюк Британия бош вазири Лиз Трасс истеъфога чиқишини эълон қилди.

Қироллик мудофаа вазири Бен Уоллес бундан кейин таъкидлаганидек, у бош вазир лавозимига кўрсатилмайди.

Унинг қўшимча қилишича, айни дамда у Борис Жонсон номзодини қўллаб-қувватлашга тайёр.