Лавров БМТ Бош Ассамблеяси доирасида Рубио билан музокара ўтказади

Россия ташқи ишлар вазири Сергей Лавров ва АҚШ давлат котиби Марко Рубио яқин вақт ичида Нью-Йоркда учрашув ўтказади.

Бу ҳақда Лавровнинг ўзи маълум қилди. Унинг сўзларига кўра, музокара БМТ Бош Ассамблеяси доирасида бўлиб ўтади.

"Менинг Нью-Йоркда, Бош Ассамблея доирасида давлат котиби Рубио билан учрашувим режалаштирилган", — деди Россия ташқи ишлар вазири.

Лавровнинг таъкидлашича, учрашувда Украинадаги вазият ҳам муҳокама қилинади.