Латифанинг додаси!
***
Фолбин эркакка деди:
— Сиз икки боланинг отасисиз?
— Адашдингиз. Мен уч боланинг отасиман.
— Йўқ, сиз адашдингиз. Икки боланинг отасисиз.
***
Аёл аввалига янги танишган йигити уни театр, киноларга олиб боришини истайди, шу баҳонада бу йигит билан учрашиш керакми-йўқми, аниқламоқчи бўлади. Йигит эса ўзи танишган қизни дастлаб уйига олиб боришни хоҳлайди. Шу баҳонада бу қиз билан кино, театрларга бориш керакми-йўқми, аниқлаб олмоқчи бўлади.
***
Ҳайвонот боғи директори қараса, филлардан бири қаттиқ йўтала бошлабди. Унга бир челак вино ичириб юборганди, йўтали тўхтади-қўйди. Аммо бошқа қафасдаги филлар бараварига йўтала бошлашди.
***
Пора олишга муккасидан кетган экскурсовод навбатдаги саёҳатчилардан қандай пул ундиришни билмай, охири ҳайкаллардан бирини кўрсатиб деди:
— Кўрдиларингми, ҳов анави ҳайкалнинг қўли қўйнидан чиқиб турибди?!
— Ҳа.
— У камтарлик билан экскурсоводни нима биландир сийлаб қўйинглар демоқчи бўлаяпти.
***
Ўрмон. Эр-хотин қўзиқорин териб юришарди. Хотин оқ қўзиқорин топиб олди-ю, эрига қичқирди:
— Дадаси, бу еб бўладиган қўзиқоринми?
— Ҳозирча сен уни пиширганинг йўқ. Демак, ҳозирча еса бўлади.
***
Эр-хотин қўлларида катта сумка билан вокзалга келишди. Эр елка қисиб деди:
— Афсус, пианино эсдан чиқибди-да!..
— Ие, жинни бўлганмисиз?
— Жинни бўлганим йўқ. Поезд чиптаси билан санаторийга берилган йўлланма пианинонинг устида қолиб кетибди.
***
Эр хотинига деди:
— Ҳадеб минғиллайверма! Ортиқча нарсаларга пул сарфлаяпсанмиш... Қани ортиқча нарсага пул сарфлаганим?
— Ўт ўчирадиган ускуна-чи? Кераксиз нарса эмасми ўша? Сотиб олганингизга олти йил бўлди, ҳали бирор марта фойдаланганимиз йўқ!
***
Муаллим:
— Тошмат, ростини айт, иншоингни ким ёзиб берди?
— Билмадим, мен эрта ухлаб қолгандим.
***
Беш яшар бола қўшнининг деразасини тош отиб синдириб қўйди. Онаси уни қўрқитаяпти.
— Энди тамом! Отанг кечқурун дўкондан янги ойна олиб қўшнимизнинг деразасига солиб бермагунча, сен шимингни ечиб орқанг билан ўша деразанинг очиқ жойини беркитиб турасан.
Болакай йиғлаб:
— Ойи, тушда мен билан алмашиб турасизми?
***
Радиодаги янгиликдан:
— Спорт усталари Тошматов ҳамда Эшматовлар ўртасидаги шахмат мусобақаси муддатидан олдин ниҳоясига етди. Йигирманчи дақиқада Эшматовнинг қоши ёрилганлиги сабабли ғолиблик Тошматовга берилди.