Лапортанинг орзуси: "Месси ва Роналду «Барса»да бирга ўйнашларини хоҳлайман!" У амалга ошадими?

«Барселона» президенти Жоан Лапорта аввалроқ «Реал»да ўйнаган «Ювентус» ҳужумчиси Криштиану Роналдуни жамоасига таклиф этишни хоҳлайди.

AS'нинг ёзишича, Лионель Месси билан шартномани узайтириш борасида келишиб олган менежер португалиялик футболчини «Барса»га таклиф қилишни ўйлаган. Лапорта икки юлдузнинг Каталония клубида бирга ўйнашларини хоҳлайди.

Каталония клуби 36 ёшли ҳужумчи учун «Ювентус»га икки футболчисини таклиф қилмоқчи. Бу борада Антуан Гризманн, Сержи Роберто ва Филиппе Коутиньо вариантлари айтилмоқда.

«Барса» раҳбариятининг фикрига кўра, Роналду ва Месси биргаликда ўйнаш орқали катта даромад олишади.