Кун саволи: Ёш чемпионларга ҳам Malibu берилсинми?

Кун саволи: Ёш чемпионларга ҳам Malibu берилсинми?

Кеча, 16 май куни меҳрибонлик уйлари тарбияланувчилари ўртасида бўлиб ўтган Жаҳон Чемпионатида Ўзбекистон терма жамоаси ғолиб чиққанди. Ўзбекистонлик футболчилар эртага, 18 май куни Тошкентга қайтиб келади.
 
Москва — Тошкент йўналиши бўйича парвоз қиладиган футболчилар 17:00 да Ислом Каримов номидаги “Тошкент” халқаро аэропортига етиб келади. Уларни катта тантана билан кутиб олиш режалаштирилган.
 
Дарвоқе, қаҳрамонлар қандай мукофот билан тақдирланиши ҳақида ҳозирда аниқ бир маълумот йўқ. Лекин чемпионлар Ўзбекистонга учиб келгандан сўнг тадбир ўтказилади ва унда ёш футболчилар ва уларнинг мураббийларига халқаро аренада қозонган буюк ғалабаси учун нима билан тақдирланиши айтилади. Балки ёш чемпионларга ҳам Осиё чемпионларига берилгани каби Malibu бериш керакдир? Ахир ёшлар жаҳон аренасида қаҳрамонлик кўрсатди.
 
Асосийси, МОҚ ва Ўзбекистон футбол ассосиацияси биринчи вице-президенти Умид Аҳмаджонов кеча мамлакат байроғи остида саф тортган йигитларни қалбан қўллаб-қувватлашини айтган эди.
 
“Кўзи ёниб турган ёш футболчиларимиз кўрсатган бу жасорат таҳсинга лойиқ. Улар ёш бўлишига қарамай, барчамизга мундиалларда қандай ўйнаш кераклигини кўрсата олишди. Йигитларга қараб ишониш мумкинки, Ўзбекистон келажаги ишончли қўлларда. Аслида барчамиз мана шу футболчиларга меҳр улашишимиз керак. Энди қаҳрамонларни ҳаммага ўрнак қилиб кўрсатамиз”, деган эди Аҳмаджонов.
 
Таъкидлаш жоизки, ўзбекистонлик футболчилар бундай мусобақада илк бор иштирок этди. Улар финалда мундиалнинг амалдаги ғолиби ҳисобланган Покистон терма жамоасини пенальтилар сериясида мағлуб этишга муваффақ бўлган.
 
Демак, ўзбек футболи тарихида янги саҳифа очган футболчиларнинг билан қуйида танишинг.
 
Дарвозабон:
Исламов Сергей
Футболчилар:
Шаплов Данил
Очилов Жаҳонгир
Эргашбоев Тоир
Котов Руслан
Караханян Руслан
Эсенбаев Азиз
Шамшилов Эдгар
Сон Салим.
Бош мураббий: Асадов Жамшид.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!