Кулги ошхонаси
Эркак кўчада танишини кўриб қолиб, деди:
— Мени кечир, дўстим!
— Нега?
— Хотиним янги норкали пальто сотиб олди.
— Ие, унда нега мендан кечирим сўраяпсан?
— Эртага сизларникига бориб хотинингга пальтосини кўз-кўз қилмоқчи.
***
— Дадаси, манави эски пальтомнинг тугмалари тўкилиб бўлди. Кўчага кийиб чиқишга номус қилаяпман.
— Майли, эртага олиб бераман.
— Вой, янги пальтоми?
— Йўқ, тугма.
***
— Дугонажон, эрингни эрта уйга қайтишга қандай ўргатдинг?
— Бу жуда оддий. Бир куни ярим тунда уйга кириб келганди, ётган еримда: “Эшмат ака, сизмисиз?” деб бақирдим.
— У-чи? У нима деди?
— Нима дерди? Исми Тошмат-ку! Шундан бери уйга эрта келадиган бўлди.
***
— Маҳкамжон, бир саволимга жавоб бер. Сен қонуний никоҳ туфайли туғилганмисан?
— Йўқ, чала.
— Буни қандай тушуниш керак?
— Дадам уйланган эди, ойим эса йўқ.
***
— Ишонасанми, хотиним мени ташлаб кетди.
— Э, шунгаям қайғуриб ўтирибсанми? Бир шиша ароқ ол-да, ташвишлар уммонига шўнғиб кет!
— Иложи йўқ.
— Нега? Пулинг йўқми?
— Пул бор, аммо ташвишлар уммони йўқ.
***
Тун. Милиционер бир эркакни тўхтатиб сўради:
— Қаерга кетаяпсан?
— Ақл ва заковат ҳақида лекция тинглашга кетаяпман.
— Бу эртагингни бошқага айт. Ярим тунда ким сенга лекция ўқийман деб қараб турибди экан?
— Хотиним.
***
Хотин газета ўқиб туриб кутилмаганда эрига юзланиб деди:
— Қаранг, бир бой одам йигирма йил аввал ўзига турмушга чиқишни хоҳламаган аёлга эллик минг евро ҳадя қилиб юборибди.
— Оҳ, мана буни миннатдорчилик деса бўлади!
***
Чукча уйга кириб кела бошлаган меҳмонга деди:
— Тс-с!.. Ойимнинг яқиндагина кўзи ёриди. Ҳозир дам олаяпти. Безовта қилманг!
— Ие, отанг икки йилдан бери сафарда-ку!
— Нима қипти? Ҳар куни хат ёзишни канда қилгани йўқ.
***