Кулдиргич
Ротада старшина бирма-бир аскарларни чақириб, йўқлама қилаяпти.
— Тошматов!
— Мен!
— Иванов!
— Мен!
— Уч минг ўттизинчи!
— Ўртоқ старшина, менинг исмим ЗОЗО!
***
Йигит севган қизига деди:
— Юр, кинога тушамиз!
— Э, яхшиси бизникига бора қолайлик!
— Сеникида нима бор? Барибир, телевизоринг бузуқ-ку!
***
Аёл дугонасига деди:
— Кеча менга бир лўли хотин учради. Унинг айтишича, тўрт фарзандли бўларканман. Лекин биринчи фарзандим хунук, иккинчиси пиёниста, учинчиси ўғри бўлармиш. Фақат тўртинчи фарзандимгина рисоладагидек бўларкан.
— Вой, унда бирдан тўртинчисини туғиб қўяқол!
***
Болакай бувисига деди:
— Бувижон, менга минг сўм бериб туринг! Пенсиядан қайтараман!
— Ие, бу нима деганинг? Сен пенсияга чиққунингча мен аллақачон оламдан ўтиб кетаман-ку!
— Э, мен сизнинг пенсиянгизни назарда тутаяпман.
***
Янги ўзбек Швейцария банкига борди-да, ходималардан бирига деди:
— Мен банкингизга пул қўймоқчи эдим.
— Қанча?
Янги ўзбек ходиманинг қулоғига шивирлади:
— Уч миллион доллар.
Ходима:
— Баландроқ овозда гапираверинг! Бизда камбағаллик айб ҳисобланмайди.
***
Шер ўрмонда ҳайвонлар ўртасида югуриш бўйича мусобақа ташкил этди. Шубҳасиз, қуён ҳаммадан ўзиб кетди. Бир пайт ҳайвонлар финишга келишса, қуён йўқ. Ерда бир нечта суяклар сочилиб ётибди. Шердан сўрашди:
— Қуён қани?
— У ярамас допинг текширувидан ўта олмади. Шу сабабли уни бир умрга мусобақалардан четлатдим.
***
Парашютдан сакраш бўйича мусобақада ғолиб бўлган спортчидан мураббийси сўради:
— Нега тақдирлаш маросимида юқоридаги супада эмас, пастдагисида турдинг?
— Устоз, биласиз-ку, мен баландликдан қўрқаман!
***
Аёл дугонасига деди:
— Ишонасанми, менинг Эшматбойим ўзи мустақил юра бошлади!
— Йўғ-э, ростданми?
— Ҳа-да! Кеча бардан чиқиб ўзи мустақил уйга келди.
