Кўкнори бошоғини олиб киришга бўлган уриниш фош этилди

Юртимизга гиёҳвандлик воситаларини турли қинғир усуллар билан олиб киришга бўлган уринишларга қарши божхона органлари томонидан кескин кураш олиб борилмоқда.

Сурхондарё вилояти божхона бошқармаси “Сариосиё” чегара божхона постига кириб келган хорижий давлат фуқароси П.Ф.нинг хатти-ҳаракатлари божхоначилар эътиборини тортди ва ушбу шахс белгиланган тартибда божхона назоратидан ўтказилди.

Ўтказилган текширув натижасида, унинг юклари орасида 4 дона қуритилган кўкнори бошоғи борлиги аниқланди. Гиёҳвандлик воситаси махсус тарозида ўлчанганда, вазни 22,64 граммни ташкил қилди.

Ҳозирда мазкур ҳолат юзасидан терговга қадар текширув ҳаракатлари олиб борилмоқда.