Коронавирусга қарши самарали дори пайдо бўлмаслиги ҳам мумкин — БССТ раҳбари

Коронавирусга қарши самарали дори восита умуман пайдо бўлмаслиги ҳам мумкин. Бу ҳақда Бутунжаҳон соғлиқни сақлаш ташкилоти (БССТ) бош директори Тедрос Гебрейесус брифингда маълум қилди.

"Ҳозирда бир қатор вакциналар клиник синовларнинг учинчи босқичидан ўтмоқда ва барчамиз одамларни касалланишини олдини олишга ёрдам берадиган самарали вакциналарнинг қандайдир миқдорини олишга умид қилиб қоламиз. Аммо, ҳозирда мукаммал даво йўқ ва у ҳеч қачон пайдо бўлмаслиги ҳам мумкин", - деди у.

БССТ раҳбари мамлакатлар ва ҳукуматларни коронавирус тарқалишининг олдини олиш учун зарур чораларни кўришга чақирди. У яна бир бор ниқоб тақиш, ижтимоий масофани сақлаш, гигиенага амал қилиш ва тестларни ўтказиш муҳимлигини таъкидлади.