Коронавирусга қарши курашда энг катта куч бўлган икки давлат номи айтилди
АҚШнинг Буюк Британиядаги элчиси Роберт Вуд Жонсон Британия халқига мурожаат қилиб, Қўшма Штатлар ва Буюк Британия CОВИД-19га қарши курашда энг катта куч эканлиги тўғрисида баёнот берди.
"Британиялик дўстлар, мен ушбу хатни ушбу буюк мамлакатда истиқомат қилувчи барча америкаликлар номидан ёзяпман. Мен бутун жамоамиз номидан гапираётганимни биламан ва Британия халқи қандай қилиб CОВИД-19 пандемиясига қарши курашаётганини кўриш мен учун шараф эканлигини айтаман. Тарих бизга яна ва яна шуни кўрсатадики, қийин бўлганда Британия халқи олдинга силжишда давом этмоқда. Америка сизлар билан бирга. Биз бу курашда биргаликда ғолиб бўламиз", дейди Жонсон. Бу ҳақда РИА Новости хабар берди.
АҚШ элчисининг сўзларига кўра, бир кун олдин у Британия акциясига қўшилган ва шифокорларни олқишлаган.
"Америка Қўшма Штатлари ва Англия бу касалликни кузатиш, унинг тарқалишини секинлаштириш ва вакцина яратилгунча ҳаётини сақлаб қолиш учун умумий кучларни ҳаракатлантирувчи асосий кучдир", деди Жонсон.
Унинг таъкидлашича, икки мамлакат ҳукуматлари илмий маълумотлар алмашиш, даволашнинг янги усулларини тасдиқлаш ва инфекцияни ташхислаш учун янги тестларни ишлаб чиқаришда ҳамкорлик қилмоқда. Шунингдек, элчининг сўзларига кўра, Британия ва Америка компаниялари логистика, техник ёрдам, тиббиёт ходимларини вирусдан ҳимоя қилиш учун материаллар билан таъминлаш, шунингдек, керакди мосламаларини етказиб бериш муаммосини ҳал қилишда яқиндан ҳамкорлик қилмоқда.
