Коронавирусга қарши курашаётган ҳамшира кўзда ёш билан оммага мурожаат қилди (ВИДЕО)
Буюк Британиянинг Эссекс округида яшовчи бир ҳамширанинг видеоси тарқалди, унда у ўз ҳамкасблари коронавирус билан касалланган беморларнинг кўплигини қандай енгаётгани ҳақида гапириб, барча ватандошларни ўзларини изоляция қилишга чақирган.
Ширли Уоттснинг сўзларига кўра, пандемия туфайли соғлиқни сақлаш тизимига кўп юклама тушган ва у ишлаётган шифохонада ходимлар етарли эмас. Ҳамширанинг кўзларида ёш билан айтишича, шифокорлар ва ҳамширалар инфекцияга қарши курашиш учун бор кучларини сарфламоқдалар.
"Биз одамларни ва уларнинг яқинларини қутқариш учун қўлимиздан келганини қиляпмиз. Ҳаммамиз тиз чўкканмиз. Биз бунга кўнганмиз, аммо қўлимиздан келганича ҳаракат қиламиз", дейди у.
Уоттснинг таъкидлашича, ушбу "умидсиз вазиятда" тиббиёт ходимлари ўзларини ҳар куни хавф-хатарга дучор бўлишга ва қариндошларидан йироқ бўлишга мажбур қилишмоқда.
Британиялик ҳамшира барчани уйда қолишга ва расмийлар томонидан қабул қилинган чораларга риоя қилишга чақирди. Агар кимдир бирон бир сабабсиз ташқарига чиқса ёки компанияга борадиган бўлса, у ҳолда одамлар бу ҳақда огоҳлантириши ва вазиятнинг барча хавфини тушунтириши керак, деди Уоттс.
"Энди биз бу жангни ютқазаётганга ўхшаяпмиз. <...> Агар кимдир бу унчалик жиддий эмас деб айтса ва сиз сайр қилишингиз мумкиндек туйилса, тўхтанг. Бошқаларга ҳам бундай қилмасликларини айтинг", деди у.
