Коронавирусга чалинганлар шифохонасида ёнғин чиқди, 5 киши ҳалок бўлди
Ҳиндистоннинг Ражкот шаҳрида (Гужарот штати) коронавирусга чалинганларни даволашга ихтисослашган шифохонада чиққан ёнғинда 5 бемор ҳалок бўлди.
Бахтсиз ҳодиса 27 ноябрга ўтар кечаси юз берган. Ёнғин шифохонанинг жонлантириш бўлимида чиққан. Воқеа вақтида бу ерда 11 бемор бўлган. Улардан 6 нафарини қутқариб қолишга муваффақ бўлинган. Дастлабки маълумотларга кўра, ёнғинга қисқа туташув сабаб бўлган.
Ҳаммаси бўлиб шифохонада 33 нафар бемор даволанаётган эди. Эвакуация қилинган беморлар шаҳардаги бошқа шифохоналарга ўтказилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
