Коронавирусга чалинган модель қиз бошидан ўтганларни гапириб берди

Парижда яшовчи аёл коронавирус инфекциясини юқтирган ва унинг нафас олиш пайтида ўпкаси ғалати товуш чиқара бошлаганини айтди.

30 ёшли модел Интан Клементнинг таъкидлашича, унинг севгилиси биринчи марта касал бўлиб қолган. У бошқа аломатлари бўлмаганлиги сабабли, эътибор қаратмаган.

Президент Эммануел Макрон миллий карантинни эълон қилишидан бир кун олдин, Клемент дўстлари билан Валлоире коммунасига чанғи учгани борди. Чанғи пайтида унинг нафас олиши қийинлашди, ўзини заиф ҳис қилди. Модел буни анча йилдан бери чанғида учмаганига йўйди.

Эртаси куни у дўстлари билан Парижга қайтди. Поезд учун чипталар йўқлиги сабабли улар автоулов билан кетишга мажбур бўлишди. Клемент нафас олиш қийин эди, у доимо йўталиб турарди.

Кейинчалик у нафас олаётганда ўпкасидан ғалати бир товуш чиққанини пайқади ва видео ҳаволаси орқали шифокор билан боғланди. Шифокор беморнинг шамоллаганини ва унга парацетамол қабул қилишни тавсия қилди. 20 март куни Клемент текширувдан ўтди. Маълум бўлишича, у коронавирус инфекциясининг янги турини юқтирган. Ўшандан бери у касалхонада даволанмоқда.

Моделнинг сўзларига кўра, у ҳеч қачон коронавирусга чалинишни ўйламаган ва инфекцияни жиддий қабул қилмаган. Энди у ёшларга коронавирус тарқалишига қарши хавфсизлик чораларини эътиборсиз қолдирмасликни маслаҳат беради.