Коронавирус Россияга 73 мамлакатдан кириб келди
“Коронавирус Россияга 73 мамлакатдан, биринчи навбатда, Италия, Испания, Франция ва БААдан кириб келди”, дея маълум қилди Бош вазир ўринбосари Татьяна Голикова.
Унинг таъкидлашича, коронавирусга чалинганлар сони бўйича биринчи ўринда Москва, кейин Коми ва Бурятия республикалари, сўнг Санкт-Петербург, Москва вилояти, Ямало-Ненец автоном округи ва Пенза вилояти турибди.
Кўпчилик юқиш ҳолатлари ўзаро алоқа орқали келиб чиққан – 2,854 киши. Россиядаги коронавирусдан вафот этган 43 беморнинг аксарияти кўплаб касалликларга чалинган кекса фуқаролардир.
Ҳозирги вақтда Россия Федерациясида коронавирус билан касалланганлар сони 4731 кишини ташкил этади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
