Коронавирус: Россия кечикдими?
Россияда коронавирус бўйича аҳвол оғирлашмоқда. Ҳозирги кунда вирус Федерациянинг 26 ҳудуди бўйлаб кенг тарқалган ҳолда умумий ҳисобда касалланганлар 1530 нафардан ошиб кетди. Бу ҳақда "azon.uz" ёзмоқда.
Кузатувчиларнинг фикрича эпидемия ривожи бўйича руслар вируснинг ўчоғига айланган Европадан 7-10 кун орқада. Улар чегараларни нисбатан кеч ёпгани, қатъий карантин чоралари кечиктирилаётгани ўсиш суратини янада тезлаштиради. Россияда аҳволнинг оғирлашиши бизга ҳам тўғридан тўғри зарба беради. Айни дамда турли манбаларда келтирилишича Россияда 3 миллиондан 4 миллионгача Ўзбекистонлик меҳнат муҳожирлари мавжуд.
Ўзбекистоннинг вирусга қарши курашда намойиш этган тезкор реакцияси ва кўраётган чоралари эса чет элда юқори баҳоланмоқда. Буёғи энди аҳолидан фуқаролик масъулияти талаб этилади. Куч ишлатар тизим вакиллари Ўзбекистонда нисбатан анча кўплигини хисобга олсак, карантин чоралари қатъий таминланиши осонроқ кечиши кутилмоқда. Йўқса орган ходимларининг бундай улкан миқдорининг мантиқий зарурати яқин келажакда гумон остига қолиши мумкин.
