Коронавирус одамга неча марта юқиши мумкин?

Коронавирусга қарши вакцинасиз ва карантин чораларисиз одам ҳар уч ойда коронавирусга чалиниш хавфига дуч келади. Бу ҳақда «The Guardian» хабар берди.

Маълум қилинишича, 2020 йилда коронавирусга қайта чалиниш ҳолати жуда кам учраган. Бироқ кейинчалик олимлар инфекцияни ўтказгандан кейин олинган иммунитет вақт ўтиши билан заифлашишини аниқлаган. Тадқиқотларга кўра, коронавирус билан касалланган 65 ёшгача бўлган одамлар ярим йилга инфекция юқишидан 80 фоизга ҳимояланган. Мазкур ёшдан ошганларда бу кўрсаткич 47 фоизни ташкил қилади.

Мутахассисларнинг фикрича, коронавирусни такроран юқтириш унинг янги штамлари пайдо бўлиши билан боғлиқ. Улар одатда иммунитетга нисбатан кўпроқ чидамли бўлиб, вакциналарнинг самарадорлигини пасайтиради. Олимлар 20 минг та ижобий инфекцион тестлардан 300 га яқинида ковид инфекциясини аниқлаган. Биринчи ва кейинги инфекция ўртасидаги ўртача вақт оралиғи олти ойни ташкил қилган.

Таъкидланишича, ўртача ҳисобда одам уч мартагача ковид билан касалланиши мумкин. Бундай ҳолда агар бемор янги штамни юқтирмаган бўлса, инфекция осонроқ кечади.