Коронавирус: Бразилияда кунлик ўлимлар сони яна ошди

Бразилияда ўтган 24 соат ичида 1 500 нафар инсон инфекциядан вафот этди ва 28 минг инсон вирус юқтиргани аниқланган. Бир кун аввал 1 262 нафар инсон вирус туфайли ҳаётдан кўз юмган эди. Бу ҳақида мамлакат Соғлиқни сақлаш вазирлиги хабар берган.

Жон Хопкинс университети маълумотига кўра, Бразилия бугунги кунда вирус юқиш даражаси бўйича иккинчи, ўлим ҳолати бўйича тўртинчи ўринда қайд этилмоқда.

Соғлиқни сақлаш вазирлиги ҳисоботига кўра, Бразилияда жами 615 мингдан ортиқ киши вирус юқтирган. Улардан 274 мингдан ортиғи тузалган бўлиб, 34 039 киши вафот этган.

306 834 киши айни дамда касалхоналарда даволанмоқда.