Коронаривус: Украинада одамлар автобус талашмоқда

Украина пойтахти Киев шаҳрида коронавирус оқибатида метро ёпилгач, одамлар автобусга ташланишган. Гап шундаки, маҳаллий полиция автобусга 10 тадан ортиқ кишини киритмаяпти.

Киевда ҳам коронавирус туфайли карантин эълон қилинган. "Черниговская" метро бекати ёнида аҳоли юриб кетаётган автобуснинг йўлини тўсган ва унга чиқишга уринган (суратда).

Полиция эса бунга қаршилик қилган. Пойтахтда автобус бекатларида катта навбатлар кузатилмоқда. Шунингдек, жамоат транспортига ниқобсиз одамларни ҳам киритишмаяпти.

Киевда ҳозиргача вирус билан касалланганлар 16 та бўлган. Ўзбекистонда эса бугун 23 тага етган, Қирғизистонда 3 та, Қозоғистонда 44 киши касалланган.

Ҳозиргача COVID-19 вируси билан касалланганлар дунёнинг 150 дан ортиқ мамлакатида аниқланган.