Коллеж йигитларга шортик кийишни тақиқлади, улар эса юбкада келишди

Минск коллежида ўғил болаларга иссиқ ҳавода шортикда юришларини тақиқлаб қўйди, аммо бу шоввозлар исиб кетмасликнинг йўлини топишди, дея хабар берди “belnovosti.by”.

Иссиқ об-ҳаво бошланганда коллеж маъмурияти ўғил болаларнинг шортик кийишини тақиқлаб қўйган, баъзида эса шимлардан ҳам айб топишган.  Шортик кийиб келган ўқувчилар уйига қайтариб юборилган ва қолдирилган дарслар учун жарима тўлаттирилган.

Натижада бир куни тақиққа “қарши чиқмаган” ҳолда  болалар коллежга юбкаларда келишган, дейилади хабарда.

Коллеж маъмурияти эса бу маълумотга ҳали ҳеч қандай изоҳ бермади.