Кобулдаги стадионда крикет ўйини вақтида портлаш содир бўлди

Афғонистон ОАВлари Кобул халқаро стадионида крикет мусобақалари вақтида портлаш содир бўлганини хабар қилмоқда.

“Бугун крикет майдонида юз берган портлашда бир киши ҳалок бўлди ва 12 киши жароҳат олди”, — дея хабар берди Aamaj News тиббиёт муассасаси вакилига таяниб.

Портлаш ҳақида Бирлашган Миллатлар Ташкилотининг ахборот ресурсларида ҳам хабар берилган.

“Дастлабки маълумотларга кўра, соат 16:10 атрофида “Банд-э-Амир Драгонс” ва “Памир Залми” жамоалари ўртасидаги ўйин чоғида пойтахтнинг Чаман Хозори туманидаги Кобулдаги Халқаро крикет стадиони трибунасида портлаш содир бўлган”, — дейилади хабарда.

Бу ҳақда ташкилот сайти хабар берди.