Кобулда террорчи вазирлик биносига ҳужум қилди

Кобулда террорчи вазирлик биносига ҳужум қилди

Афғонистон пойтахти Кобулда қишлоқ ҳудудларини тиклаш ва ривожлантириш вазирлиги дарвозаси ёнида террорчи-худкуш ўзини портлатди. Бу ҳақда Tolo News телеканали маълум қилди. 

Кобул полиция бошқармаси маълумотларига кўра, воқеа оқибатида 10га яқин одам жабр кўрган, ҳалок бўлганлар ҳам бор.  

Вазирлик матбуот котибининг маълум қилишича, портлаш 15 июль куннинг иккинчи қисмида вазирлик биносига кираверишда содир этилган. Террорчи портлашни вазирлик ходимлари иш куни якунлангандан кейин бинони тарк этаётганларида содир этган.

Ҳозирча бирорта гуруҳ ушбу ҳужум учун жавобгарликни ўз зиммасига олмаган.

Манба: kun.uz
 


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!