Ким Чен Ин яна муқаддас тоққа йўл олди

Ким Чен Ин яна муқаддас тоққа йўл олди

КХДР етакчиси Ким Чен Ин оқ отида кореяликлар учун муқаддас бўлган Пэктусан тоғига кўтарилди. У октябрь ойида ҳам бундай сафарни амалга оширган эди.

 Шимолий Корея лидери муҳим қарорларни қабул қилишдан олдин Пэктусанга кўтарилишни одат қилган.

Ким Чен Ин Пэктусанга 4 декабрь куни Корея инқилобий ва ҳарбий шуҳрати акс этган масканни кўриш учун келди, деб хабар қилди ЦТАК ахборот агентлиги.

КХДР лидерига хотини Ли Соль Чжу ва ҳарбий қўмондонлар ҳамроҳлик қилди. Тоғда Иккинчи жаҳон урушида япон интервентларига қарши кураш олиб борган партизанлар лагери жойлашган.

Ким Чен Ин "Шимолий Корея ёшлари Пэкту инқилоби қадриятлари асосида буюк ғоя ва руҳ билан қуролланиши керак" деди.

Ким Чен Ин илгари Пэктусан тоғига мамлакат бошлиғи лавозимида ўта оғир вазиятларда кўтарилган: 2013 йил февраль ойида амакиси Чан Сон Таек қатл қилинишидан олдин, 2014 йил ноябрь ойида отасининг вафоти учинчи йиллиги арафасида, 2017 йил декабрь ойида Жанубий Корея билан муносабатларни ўрнатиш арафасида.

Пэктусан тоғи КХДРни бошқараётган сулола учун ҳам муқаддасдир. Айтилишича, Ким Чен Иннинг отаси Ким Чен Ир ҳам шу ерда туғилган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!