Кейт Миддлтон қироллик оиласининг энг дангаса аъзоси деб топилди
Кембриж герцогиняси Кейт Миддлтон қироллик оиласининг энг дангаса аъзоси деб топилди, деб хабар берди “Daily Express”.
Маълум қилинишича, рейтинг қироллик оиласининг ҳар бир аъзоси иштирок этган расмий тадбирлар сонига қараб тузилган. “SavoyStewart.co.uk” ҳисоб-китобларига кўра, Кейт Миддлтон фақат 79 марта жамоатчилик олдида чиқиш қилган.
Биринчи ўринни 148 та тадбирда қатнашишга муваффақ бўлган Елизавета II нинг қизи малика Анна эгаллаган.
Иккинчи ўринда 146 та тадбирда қатнашган шаҳзода Чарльз қайд этилган.
Қиролича эса учинчи ўринни эгаллаган. Ўтган йили у жамоатчилик олдида 136 марта чиқиш қилган.
Қайд этилишича, бу Кембриж герцогиняси энг дангаса деб тан олинган биринчи йил эмас. Статистик маълумотларга кўра, 2017 йилда Кейт атиги 39 та тадбирда қатнашган, 2018 йилда 87 марта жамоатчилик олдида пайдо бўлган. Фақатгина 2019 йил истисно бўлган, ўшанда шаҳзода Уильямнинг рафиқаси 126 тадбирда иштирок этган.
