Кечги табассум!.. (23-қисм)
Муаллим:
— Тошмат, ростини айт, иншоингни ким ёзиб берди?
— Билмадим, мен эрта ухлаб қолгандим.
***
Беш яшар бола қўшнининг деразасини тош отиб синдириб қўйди. Онаси уни қўрқитаяпти.
— Энди тамом! Отанг кечқурун дўкондан янги ойна олиб қўшнимизнинг деразасига солиб бермагунча, сен шимингни ечиб орқанг билан ўша деразанинг очиқ жойини беркитиб турасан.
Болакай йиғлаб:
— Ойи, тушда мен билан алмашиб турасизми?
***
Радиодаги янгиликдан:
— Спорт усталари Тошматов ҳамда Эшматовлар ўртасидаги шахмат мусобақаси муддатидан олдин ниҳоясига етди. Йигирманчи дақиқада Эшматовнинг қоши ёрилганлиги сабабли ғолиблик Тошматовга берилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).