Катерина Тихонова Путиннинг қизими? (ФОТО)

Катерина Тихонова Путиннинг қизими? (ФОТО)

Россия президенти Владимир Путиннинг қизи дея тахмин этилувчи «Иннопрактика» фонди раҳбари Катерина Тихонова ҳукумат қошидаги Жисмоний тарбия ва оммавий спортни ривожлантириш кенгаши таркибига кирди, деб хабар беради Meduza.

Кенгашни тузиш ва унинг таркиби тўғрисидаги қарор ҳукумат сайтига жойлаштирилган.

Шунингдек, кенгашдан Ксения Шойгу ҳам ўрин олган. У Россия мудофаа вазири Сергей Шойгунинг кенжа қизи ҳисобланади. Ксения кенгашга «ЗаБег.РФ» ярим марафони ташкилий қўмитасининг раҳбари сифатида кирган.

Кенгашдан жами 28 киши ўрин олган. Бош вазир ўринбосари Олга Голодес кенгаш раиси этиб тайинланган.

Катерина Тихонова акробатик рок-н-ролл билан шуғулланади. У ўзининг шериги Иван Климов билан Россия, Европа ва жаҳон чемпионатларида қатнашган. 2014 йили жуфтлик Россия чемпионатида кумуш медални қўлга киритганди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!