Калифорниядаги Трампнинг гольф клуби яқинида қуролланган эркак қўлга олинди
Ҳуқуқни муҳофаза қилиш органлари ходимлари Жанубий Калифорниядаги Trump National гольф клуби яқинида қуролланган одамни ҳибсга олди.
Бу ҳақда Лос-Анжелес округи шериф департаменти хабар берди.
Департамент маълумотларига кўра, федерал агентлар гольф майдонида шубҳали шахс ҳақида хабар беришган, шундан сўнг у ҳибсга олинган.
Федерал ҳуқуқни муҳофаза қилиш органларидаги манба CNNга айтишича, ҳозирда бу одам АҚШ президенти Дональд Трампга суиқасд уюштиришни режалаштирган деб тахмин қилиш учун ҳеч қандай сабаб йўқ. Бироқ, тергов давом этмоқда.
Таъкидланишича, Дональд Трамп бугун Республикачилар миллий қўмитаси тадбирида иштирок этиш учун Лос-Анжелесга ташриф буюриши режалаштирилган.
Полиция маълумотларига кўра, ҳибсга олинган эркак Даунидан бўлган 38 ёшли Дженин Джон Тэйл. У шунингдек, Эль-Сегундо полиция департаменти томонидан ўғирлик бўйича терговда гумон қилинмоқда.
