Жуда қиммат! Коронавирусга қарши дори нархига арзийдими?

Россиянинг коронавирусга қарши дориси — "Aрепливир" беморларнинг ҳаётини сақлаб қола олиши туфайли қиммат. Бу ҳақда "Промомед" фармацевтика компанияси директорлар кенгаши раиси Пётр Белий маълум қилди, деб ёзади РИA Новости.

У чакана нарх учун 12.320 рубл етарли деб атади. У бу дори ўз синфида "дунёдаги энг арзон"га айланганини таъкидлади. Белийнинг сўзларига кўра, препаратни қўллаган беморларнинг ҳеч бири сунъий шамоллатишга муҳтож эмас.

Россия дорихоналарида "Aрепливир" савдоси 21 сентябрь, душанба куни бошланди. Дори рецепт бўйича буюрилган, уни CОVID-19 инфекцияси белгилари пайдо бўлганидан кейин дастлабки 24 соат ичида қўллаш тавсия этилади. Бир пакети ҳар бири 200 миллиграмм бўлган 40 таблеткадан иборат.

"Aрепливир" – бу Aмерика фавипиравир препаратининг рус тилидаги версияси, аммо AҚШ уни рўйхатдан ўтказишдан бош тортган. Японияда бу препарат гриппга қарши дори сифатида рўйхатдан ўтказилди, аммо хавфли ён таъсири туфайли ишлатилмади.

"Промомед" нинг бош директори Aндрей Младенцевнинг таъкидлашича, клиник тадқиқотлар натижаларига кўра препаратда асоратлар аниқланмаган. 

Ўз навбатида, сиёсий таҳлилчи Глеб Кузнецов "Aрепливир" ҳинд дориларининг минимал ўзгаришига ўхшаш аналог эканлигини, аммо улар бозорда ўн баравар арзонроқ сотилишини таъкидлади.